کسی اداکارہ کو دیکھ کر اس جیسا لباس خریدنے کا شوق نہ پالیں
90
فیصد کو مفت برانڈز کی جانب سے ملا ہے اس لباس کو پہننے کے پیسے ملے ہیں انہیں آپ پیسوں سے خرید کر بھی ان کا مقابلہ نہیں کر پائیں گی۔
کسی ماڈل اداکارہ کو دیکھ کر اس جیسا جسم پانے کی خواہش نہ پالیں۔
مہینوں بھوکی رہتی ہیں ڈائٹنگ کے نام پر پھر درجنوں سپلیمنٹس کھا کر اپنی توانائی بحال کرتی ہیں پھر انہیں سوائے تصویریں بنانے یا اداکاری کرنے کے کوئی محنت طلب کام نہیں کرنا۔ آپ نے اپنی زندگی میں پڑھنا ہے ، گھر سنبھالنا ہے ، نوکری کرنی ہے ان کا معمول آپ اپنا نہیں سکتیں۔۔
کبھی کسی امیر زادی کو دیکھ کر اس جیسی جلد اس جیسے ہاتھ پائوں پانے کی خواہش نہ کریں جنہوں نے ہاتھوں سے واحد مشقت جو لینی ہے وہ مینی کیور ہے، جنہوں نے نہ برتن دھونے نہ کھانا پکانا نہ ہی دھوپ میں جلتے اسکول کالج دفتر جانایا سودا لینے جانا۔۔ ان جیسا ہونا قسمت کی بات ہے۔
کبھی کسی کو اپنے گھر کی بات بڑھا چڑھا کر بتاتے اس پر رشک نہ کرنا۔
اسکے گھر میں بھی جھگڑے ہوں گے اسکے گھر میں بھی کسی کا مزاج مختلف ہوگا کبھی ان میں اختلاف رائے بھی ہوگا مگر اس نے یہ سیکھا ہے یہ سب چھپا کر دوسروں پر یہ ثابت کرنا کہ سب ٹھیک ہے۔ سب ٹھیک ۔۔۔ کم از کم دنیا میں نہیں ہوتا۔۔
کسی کو دیکھ کر یہ نہ سوچنا کہ بے چاری کم شکل ہے ، اس میں یہ کمی وہ کمی۔۔
ہو سکتا ہے ان کمیوں کے ساتھ اسکی قسمت آپ سے اتنی اچھی ہو کہ آپ اسکے بارے میں سوچ رہی ہوں مگر اسکے ذہن میں آپ دور دور تک نہ ہوں۔
کبھی کسی سے اپنا موازنہ مت کرنا۔۔
اسکو پہلے ملنے کا مطلب یہ نہیں کہ جو ملا وہ ہمیشہ کیلئے رہنے والا ہے۔
ہو سکتا ہے تمہیں دیر سے ملے مگر دیر پا ملے۔۔
کبھی میری ایسی پوسٹ پڑھ کر یہ مت سمجھنا کہ میں بہت عقل مند او رسمجھدار ہوں۔
میں بس وہ لکھ رہی جو ذہن میں آرہا اور سب سے بڑھ کر مجھے ہفتے بھر کا پوسٹس کا کوٹہ پورا کرنا ہے یہ فیس بک نے ٹاسک دیا ہوا ہے پیج کو میرے
جانے ریچ کو کیا موت آجاتی کچھ عرصے بعد تم لوگ اتنا کچھ پڑھ لیتے ہو تو لائک کمنٹ بھی کردیا کرو میرا پیج بار بار بین کروانے والے تم سب سے ذیادہ ایمانداری سے کام کرتے ہیں ہونہہ
