کیا آپ نے کبھی کوئی ایسا انسان دیکھا جس پر جن آیا ہوا ہو؟ ہمارے ایک انکل تھے جو دعا تعویز کا کام کرتے تھے۔ ایک بار ان سے ملنے ایک خاتون اپنی جوان بیٹی کے ساتھ آئیں۔ میں تب بچی تھی۔ انکی آمد پر ہم بچوں کو دور کردیا گیا تھا۔ لیکن تجسس بھی تھا۔ سو وہ لابی سے گزر رہی تھیں تو میں نے دروازے میں چھپ کے چپکے سے جھانک کے دیکھا۔ اور یہ کوئی اچھا تجربہ نہیں تھا۔
ہوا دراصل یوں تھا انکے ساتھ کہ انکی بیٹی خوب لمبی تھی اور اسکے بال بھی خوب لمبے تھے۔ ایک دن قسمت کی ماری نہا کر چھت پر چلی گئ۔ جیسے لڑکیاں کرتی ہیں شیمپو کے اشتہاروں خوب لہرا جھٹک کر بال سکھائے۔ ایک بار تو اسکے بال لہرا کر واپس آئے۔ پھر جب اس نے اپنے بال لہرائے تو واپس نہ آئے۔ مطلب ہوا میں ہی معلق رہ گئے۔ آپ سوچیں کسی کے کمر تک بال ہوں وہ ہوا میں لہرا کر واپس ہی نہ آئیں۔ وہیں اکڑ جائیں۔ دنیا جہاں کا تعویز کروا لیا لیکن اس لڑکی کے بال ٹھیک نہ ہوئے۔ برتن دھونے والا جو تاروں والا جونا ہوتا ہے ویسے ہوگئے۔ اب وہ سر پر دوپٹہ لے تو بالشت بھر اونچا رہتا اسکا دوپٹہ۔ میں نے جب اسے دیکھا تھا تو سر سے بالشت بھر اونچا تھا دوپٹہ۔ اس نے سر پر دوپٹہ لے رکھا تھا۔
میرے والدین وغیرہ ان سے ملے تھے۔ انہوں نے بتایا تھا کہ کوئی جن عاشق ہوگیا ہے اس پر۔ جو جان چھوڑنے کو تیار نہ تھا۔۔ویسے تو انکل بھی اتنے کوئی بڑے پیر نہیں تھے اسکا علاج نہ کرسکے جانے کہاں ہوگی وہ۔ لیکن یہ بات سچ ہے لڑکیاں خاص کر مغرب کے وقت چھت پر جانے سے گریز کیا کریں اور لمبے بالوں والی لڑکیاں تو خاص کر سنسان اور کھلی جگہ پر جانے سے احتراظ کریں۔آپ میں سے کسی نے ان کینی کائونٹر دیکھا ہے؟ اس میں من کے ساتھ بھی یہی ہوا تھا۔ ہمارے بال ہمیں خطروں سے آگاہ کرتے ہیں۔ اور شائد گھنگھریالے ہو جانا بھی ایسے کسی خطرے سے آگاہی ہو۔( مجھے پتہ ہے کچھ لوگوں کے بال گھنگھریالے قدرتی بھی ہوتے ہیں انکی بات کر بھی نہیں رہی جنکے اچانک ہوجائیں انکا زکر ہے یہاں)